Facebook
Tiwiter
مقبول خبریں   
پاک فوج تجھے سلام، پاکستان کے سپہ سالار کی حیرت انگیز کارکردگی
قرضے کے بوجھ تلے دبا ہوا ملک ،یوروزون میں اپنی قسمت کا فیصلہ کرنے کیلئے پر عزم
سعودی عرب کی مفرور مشتبہ جہادیوں کے خلاف کارروائی
یونان کی بدقسمتی میں اس کا مساتھ نہیں دیں گئے
آصف زرداری بیان دےکر پھنس گئے،خوف کے باعث دبئی بیٹھے ہیں
امریکہ کی خبریں   
نسل پرستی امریکی معاشرے پر بدنما داغ ہے ¾مٹانے کےلئے سب کو ملکر کوشش کرنا ہوگی
نیویارک (این این آئی) امریکی صدر براک اوباما نے کہا ہے کہ نسل پرستی امریکی معاشرے کے لیے ایک بدنما داغہے جسے مٹانے کےلئے سب کو مل کر کوشش کرنا ہوگی۔انھوں نے یہ بات ریاست جنوبی کیرولائنا میں ایک سفید فام شخص کے ہاتھوں نو سیاہ فام امریکیوں کی ہلاکت کے تناظر میں کہی پولیس چارلسٹن میں گذشتہ جمعرات کو افریقی نڑاد امریکیوں کے تاریخی گرجا گھر پر ہونے والے اس مہلک حملے کو ہیٹ کرائم یا نفرت کی بنا پر کیے گئے جرم کے طور پر دیکھ رہی ہے۔امریکی صدر نے سان فرانسسکو میں ایک تقریب کے دوران کہا کہ بظاہر حملہ آور (ڈلن روف) کے عزائم ہمیں یاد دلاتے ہیں کہ نسل پرستی بدستور ایک داغ ہے جس سے ہمیں مل کر نمٹنا ہوگا۔‘براک اوباما نے کہا کہ ہم اس سلسلے میں بہت آگے بڑھے ہیں لیکن ہمیں چوکنا رہنا ہوگا کیونکہ یہ اب بھی باقی ہے انھوں نے کہا کہ نسل پرستی امریکہ کی نوجوان نسل کے ذہنوں میں زہر بھر رہی ہے اور اس کی وجہ سے جمہوریت کو نقصان پہنچ رہا ہے۔براک اوباما نے ہلاک شدگان کے لواحقین کی جانب سے حملہ آور کو معاف کیے جانے کا خیرمقدم کیا۔انہوںنے کہاکہ یہ عقیدے کا وہ اظہار ہے جس کا تصور نہیں کیا جا سکتا اور یہ امریکی عوام کی اچھائی کی دلیل بھی ہے۔براک اوباما نے ملک میں اسلحہ رکھنے کے قانون پر دوبارہ بحث شروع کرنے کا بھی مطالبہ کیا اور کانگریس سے کہا کہ وہ اس سلسلے میں عوامی رائے کو مدِنظر رکھے۔انہوںنے کہاکہ صرف ہمدردی جتانا یا افسوس کرنا کافی نہیں ہمیں عملی اقدامات کرنا ہوں گے۔
امریکی امیگریشن میں اصلاحات لا کر دستاویزات نہ رکھنے والےتارکین وطن کو شہریت دلاﺅں گی‘ہیلری کلنٹن
لاس ویگاس (اے پی پی) 2016ءکے امریکی صدارتی انتخابات کی ڈیموکریٹک نامزد صدارتی امیدوار ہیلری کلنٹن نے کہا ہے کہ وہ امریکی امیگریشن شعبہ میں اصلاحات لا کر دستاویزات نہ رکھنے والے تارکین وطن کو شہریت دلائیں گی۔ جمعہ کو امریکی ذرائع ابلاغ کی رپورٹس کے مطابق ہیلری کلنٹن نے لاس ویگاس کے ایک ہوٹل میں ہسپانیہ کے باشندوں کی تنظیم کے تحت منعقدہ کنونشن سے خطاب کیا جس کے دوران سابق وزیر خارجہ اور صدارتی انتخابات کی امیدوار ہیلری کلنٹن نے امیگریشن اصلاحات میں رکاوٹیں ڈالنے پر کانگریس کے ری پبلکن ارکان پر کڑی نکتہ چینی کی، ہیلری نے 50 لاکھ تارکین وطن کو امریکہ سے ڈی پورٹ نہ کرنے بارے اوباما کی طرف سے ایگزیکٹو آرڈر کے اجراءکی حمایت بھی کی۔ ہیلری کلنٹن نے نیشنل ایسوسی ایشن آف لاطینیو الیکٹیڈ اینڈ اییوائنٹیڈ حکام اور ایسوسی ایشن کے ارکاین سے خطاب کرتے ہوئے کہاکہ میں ان کے اہل خانہ کو امریکی شہریت دلانے کا حقیقی حل تلاش کرنے کیلئے امیگزیشن کی جامع اصلاحات کی اپنی حدود اور کوششیں جاری رکھوں گی۔
امریکی ریاست جنوبی کیرولینا کے چرچ میں فائرنگ
غیر ملکی خبر رساں ادارے کے مطابق امریکی ریاست جنوبی کیرولینا کے امینوئل افریقن میتھوڈسٹ اپسکو پال چرچ میں فائرنگ سے 9 افراد ہلاک اور متعدد زخمی ہو گئے۔ پولیس حکام نے واقعہ کی تصدیق کرتے ہوئے کہا کہ حملہ آور کی تلاش شروع کردی گئی ہے۔واضح رہے کہ امینوئل افریقن میتھو ڈسٹ اپسکوپال چرچ کا شمار امریکا کے قدیم چرچز میں ہوتا ہے اور اسے افریقن امریکن عیسائیوں میں خاص مقبولیت حاصل ہے۔
چند برس کے دوران امریکہ میں مسلمانوں کی تعداد یہودیوں کے برابر
واشنگٹن (خصوصی رپورٹ) چند برسوں میں امریکہ میں مسلمانوں کی تعداد 50 لاکھ ہو جائے گی ، یہ تعداد امریکہ میں بسنے والے یہودیوں کے ہوجائے گی۔ آبادی کے اعداد و شمار رقم کرنے والے ایک ماہر نے پیش گوئی کی ہے کہ چند ہی عشروں کے اندر مسلمانوں کی آبادی 50 لاکھ سے بڑھ جائے گی جبکہ امریکہ میں تقریبا 50 لاکھ یہودی آباد ہیں۔ ایک امریکی یہودی تنظیم نے اس توقع کا اظہار کیا ہے کہ یہودی اور مسلمان مذاہب کے اعتدال پسندوں کو قریب لانے سے دونوں مذاہب کے درمیان تعلقات میں بہتری آئے گی۔
اوباما کی بیٹی کا ایک اور عاشق میدان میں آ گیا
نیروبی (خصوصی رپورٹ) امریکی صدر بارک اوباما کی بڑی صاحبزادی مالیا سے شادی کا ایک اور خواہشمند سامنے آ گیا جس نے کبھی نہ ختم ہونے و الی محبت کا اظہار کر دیا۔ یہ شخص بھی پیشے کے لحاظ سے وکیل ہیں اور ساتھ ہی پہلے سے دس گنا یعنی 500گائے دینے کا اعلان کر دیا۔ 24سالہ ماسٹی مور نے کہا ہے کہ وہ اوباما کی بیٹی کی محبت میں گرفتار ہے اور بیٹی کا ہاتھ دینے کی شرط پر امریکی صدر کو 500گائے دینے کی پیشکش کیلئے تیار ہے۔ مور نے مالیا سے شادی کے پہلے خواہشمند فیلکس کیرونومنا کی پیشکش مسترد کر دی جنہوں نے 70بھیڑوں اور 30بکریوں کی پیشکش کی تھی اور اسے بدقسمتی کی علامت قرار دیتے ہوئے کہا کہ میرے دوست امریکی صدر کی صاحبزادی سے مذاق کر رہے ہیں۔ آپ دنیا میں طاقتور ترین انسان کی بیٹی کو صرف 50گائے کی پیشکش کیسے کرتے ہیں؟ ماسٹی مورن کے بڑے کے طور پر سامنے آنے والے مسٹر کشا نے کہا کہ وہ رشتہ کیلئے سنجیدہ ہیں۔ اس کے والد کو 500اور مزید زیادہ گائے بھی دوں گا اور حتیٰ کہ رقم کی صورت میں 500گائے کی قیمت امریکہ بھی بھیجنے کو تیار ہوں۔ وہ خوبصورت ہے۔ میں راتوں کو سو نہیں پاتا‘ میں مالیا سے بہت محبت کرتا ہوں۔ انگریزی بولنا اچھی طرح نہیں جانتا لیکن یہ جانتا ہوں کہ پیار کیسے کرنا ہے۔ ماسٹی کی خاندانی روایات کے مطابق کوئی بھی لڑکا اپنی پسند کی شادی کیلئے خود لڑکی سے رجوع نہیں کر سکتا لیکن اپنے خاندان کے بڑوں کی وساطت سے رابطہ کر سکتا ہے۔ ماسٹی اپنے خاندان کے بڑوں وزیر ورثہ ولیم اول این ٹماما‘ ناروک کے گورنر‘ کابینہ کے سیکرٹری اور سابق کابینہ کے طاقتور ترین وزیر جوہن کین سے رابطہ کر کے قائل کرنا چاہتا ہوں۔
ڈاکو ڈاکٹر کی پتلون بھی لے گیا
میکون (خصوصی رپورٹ) امریکی ریاست جارجیا میں لوٹ مار کا ایک انوکھا واقعہ پیش آیا جہاں ایک لٹیرا ڈاکٹر سے اس کی قیمتی اشیاءکے ہمراہ پتلون بھی لے گیا۔ امریکہ کے مقامی اخبار کے مطابق ایک شخص ہارمونی میڈیکل سروسز آفس کے دفتر میں داخل ہوا اور ڈاکٹر سے ملنے کی خواہش کا اظہار کیا۔ کاﺅنٹی شیرف کے ترجمان کے مطابق نامعلوم شخص نے ڈاکٹر کے دفتر میں داخل ہو کر گن نکال لی اور ڈاکٹر پر تانتے ہوئے نہ صرف اس کے بریف کیس کا مطالبہ کیا جس میں ڈاکٹر کا آئی ڈی کارڈ بٹوہ اور نقد رقم موجود تھی بلکہ پتلون بھی اتارنے کا مطالبہ کیا۔ ترجمان کے مطابق لٹیرے نے اپنی مطلوبہ اشیاءطاقت کے زور پر حاصل کیں اور پیدل ہی روانہ ہو گیا۔ قانون نافذ کرنے والے اداروں نے مذکورہ شخص کی تلاش شروع کر دی ہے اور امید ظاہر کی جا رہی ہے کہ یہ انوکھا لٹیرا جلد سلاخوں کے پیچھے ہو گا۔
امریکی سپریم کورٹ نے مسلمان خاتون کے حق میں فیصلہ دیدیا
واشنگٹن (خصوصی رپورٹ)امریکی سپریم کورٹ نے ہیڈ سکارف پہننے کی وجہ سے اوکلاہاما میں کپڑوں کے سٹور کی جانب سے نوکری دینے سے انکار پر عدالت سے رجوع کرنیوالی مسلمان خاتون کے حق میں فیصلہ دیدیا۔ سپریم کورٹ کے ایک کے مقابلے میں 8 ججوں نے امریکہ کے مساوی روزگار کے مواقع کے کمشن کے حق میں فیصلہ دیا۔ امریکہ کی اس فیڈرل ایجنسی نے 2008 میں 17 سال کی عمر میں ابرکرومبی کڈز سٹور کی جانب سے نوکری سے انکار کی جانیوالی سمانتھا ایداف کی جانب سے کیس دائر کیا تھا عدالت نے کہا کہ ایداف کو صرف یہ ظاہر کرنے کی ضرورت تھی کہ اس کی مذہبی ضرورت نے نوکری دینے والے کے فیصلے میں کردار ادا کیا۔ ایداف نے انٹرویو کے دوران سکارف پہن رکھا تھا تاہم اس نے سکارف پہننے کی سہولت کی درخواست نہیں کی تھی۔ مسلمان گروپوں نے ایداف کی حمایت میں بیان دیتے ہوئے کہا کہ امریکہ میں مسلمانوں کیخلاف نوکری میں تعصب برتے جانے کے واقعات میں اضافہ ہو رہا ہے۔ کمپنی نے اس بنا پر ایداف کو نوکری سے انکار کیا تھا کہ اس کا سکارف کمپنی کی ظاہری شکل و صورت کے متعلق پالیسی کے خلاف ہے۔
ناں بابا ناں‘تم مسلمان ہو
نیویارک (خصوصی رپورٹ) یونائیٹڈ ائیرلائنز کی پرواز کے دوران ایک مسلم خاتون مسافر کو ڈائیٹ کوک کا بند کین فراہم کرنے سے انکار کردیا گیا۔ ان سے پہلے ایک دوسرے مسافر کو بندکین دینے کے بعد مسلم خاتون سے کہا گیا کہ ایسا اس لیے ہے کہ آپ کہیں اسے ہتھیار کے طور پرنہ استعمال کرلیں۔ رپورٹ کے مطابق 31سالہ طاہرہ احمد جو بین المذاہب رابطوں کی ڈائریکٹر اور نارتھ ویسٹرن یونیورسٹی میں مذہبی پروگراموں کی نگران ہیں، شکا گو سے واشنگٹن سفر کر رہی تھیں، اسی دوران یہ واقعہ پیش آیا۔ طاہرہ احمد نے حجاب پہن رکھا تھا اور اسرائیلی اور فلسطینی نوجوانوں کے درمیان مکالمے کی فروغ پر منعقدہ ایک کانفرنس میں شرکت کے لیے واشنگٹن جارہی تھیں۔
مر سی کی سزائے موت کی مذمت پر مصر کا پاکستان سے شدید احتجاج
قاہرہ (آئی اےن پی) مصری حکومت نے پاکستان کی جانب سے سابق صدر محمد مرسی کی سزائے موت پر مذمت کرنے پر پاکستانی سفیر کو طلب کرکے احتجاج کیا ہے۔ غیرملکی مےڈےا کے مطابق مصری وزارت خارجہ نے پاکستانی سفیرمحمد اعجاز کو طلب کرکے پاکستان کے بیان پر احتجاج کیا جبکہ وزارت خارجہ کے حکام نے واضح کیا کہ پاکستان کی جانب محمد مرسی کے سزا کی مذمت کرنا اس کے اندرونی معاملات میں مداخلت ہے اور مصر ایسی کسی بھی مداخلت کو رد کرتا ہے کیونکہ اس طرح کی مداخلت دونوں ملکوں کے درمیان تعلقات پر اثرانداز ہوسکتی ہے۔ واضح رہے کہ پاکستانی وزارت خارجہ نے سابق مصری صدر محمد مرسی کو موت کی سزا دینے کی مذمت کرتے ہوئے کہا تھا کہ انصاف کی فراہمی برابری اور شفافیت کے اصولوں پر مبنی ہونی چاہیے جبکہ پاکستان کے علاوہ امریکہ، یورپی یونین اور انسانی حقوق کی عالمی تنظیم نے بھی محمد مرسی کی سزائے موت کی مذمت کی تھی۔ دریں اثناءعرب میڈیا کی اطلاعات کے مطابق مصر کی حکومت نے پاکستان سے اپنے سفیر کو واپس بلا لیا ہے اور ہدایت کی گئی ہے کہ وہ فوری طور پر پاکستان سے مصر پہنچیں۔ قبل ازیں اسلام آباد میں جب دفتر خارجہ کے ترجمان قاضی خلیل سے رابطہ کرنے کی کوشش کی گئی تو انہوں نے کال اٹینڈ نہیں کی۔
نیو یارک ٹائمز ”اوقات یں رہے“، ترک صدر
استنبول (نیٹ نیوز) ترکی کے صدر طیب اردوگان نے نیویارک ٹائمز کو تنقید کا نشانہ بناتے ہوئے 'اپنی اوقات میں رہنے' کی تلقین کی ہے۔ سات جون کے انتخابات سے قبل ترکی میں میڈیا کے حقوق کے حوالے سے تنازعے پر نیو یارک ٹائمز کے گزشتہ ہفتے کے ایک اداریے کے بارے میں ان کا کہنا تھا کہ اس میں 'بنیادی طور پر امریکا کو حکم جاری کیے گئے۔ 'استنبول میں ایک ٹیلی ویڑن خطاب کے دوران ان کا کہنا تھا 'ایک اخبار کی حیثیت سے آپ کو اپنی اوقات میں رہنا چاہیے۔' انہوں نے کہا 'آپ ایسی تحریر لکھ کر ترکی کے اندرونی معاملات میں مداخلت کررہے ہیں۔ ایسے اداریے کو شائع کرنے سے آپ آزادی صحافت کی حد پار کررہے ہیں۔ 'نیو یارک ٹائمز نے جمعے کو ایک اداریہ شائع کیا تھا جس میں اردوگان کی حکومت پر میڈیا کے خلاف کریک ڈاو¿ن کرنے پر تنقید کی گئی تھی۔ ادارے میں کہا گیا تھا کہ امریکا اور دیگر نیٹو اتحادی ترکی کو اس 'تباہ کن راستے' سے ہٹنے کےلئے زور دیں۔ حالیہ مہینوں میں ترکی میں میڈیا کے کردار کے حوالے سے قانونی کارروائیاں کی گئی ہیں جن میں صحافیوں پر صدر کی توہین کرنے کے الزامات عائد کیے گئے۔ جون میں انتخابات سے قبل ترکی میں سیاسی تناو¿ اپنے عروج پر ہٰن جہاں حکمران پارٹی اے کے پی اپنی بالادستی قائم رکھنے کی کوششوں میں مصروف ہے۔
12345678910...
آج کے کالم