Facebook
Tiwiter
مقبول خبریں   
امریکی لڑکے نے 288 پنسلوں کو اپنے بالوں میں اٹکا کر ریکارڈ بنا ڈالا
امریکی قومی سلامتی کی مشیر سوزن رائس کی آرمی چیف جنرل راحیل شریف سے ملاقات
کینیڈا کے شہر ٹورنٹو میں غصہ شا ہا نہ انداز میں نکالنے کیلئے کلب قائم
ارجن رام پال کو بیٹیوں کے شوبز میں آنے پر کوئی اعتراض نہیں
میں عالیہ بھٹ کا شاگرد بنتا چاہوں گا،امیتابھ بچن
امریکہ کی خبریں   
ہم جنس پرستوں کے حقوق تسلیم
واشنگٹن (خصوصی رپورٹ) امریکہ دنیا بھر میں ہم جنس پرنست مردوں اور خواتین کے حقوق کا معاملہ اقوام متحدہ کی سلامتی کونسل میں لے آیا ہے اور اس نے کہا ہے کہ تاریخی طور پر پہلی بار سلامتی کونسل نے ہم جنس پرستوں کے حقوق کو تسلیم کرلیا ہے اور اس معاملہ پر غور کرنے پر سلامتی کونسل سے اظہار تشکر کیا ہے۔
نیو یارک میں پاکستان ڈے پریڈ ، ہزاروں افراد کی شرکت
نیو یارک(خصوصی رپورٹ) مریکی شہرنیو یارک میں پاکستانی پرچم سربلند کیا گیا۔اقوام متحدہ میں پاکستانی سفیر ملیحہ لودھی اور بلوچستان کے وزیر داخلہ سرفراز بگٹی بھی ہم وطنوں کا حوصلہ بڑھانے پہنچ گئے ۔نیویارک کے بیٹری پارک میں ہونے والی پاکستان ڈے پریڈ میں ہزاروں افراد نے شرکت کی ۔ ملیحہ لودھی اور وزیر داخلہ سرفراز بگٹی نے ہزاروں افراد کے ساتھ جشن منایا۔تقریب میں شریک بچوں نے ٹیبلو پیش کر کے سانحہ آرمی پبلک اسکول پشاور کے شہید بچوں کو خراج عقیدت پیش کیا۔ گلوکاروں نے قومی نغمے گا کر تقریب کے شرکاکوجھومنے پر مجبور کر دیا۔وطن عزیز سے ہزاروں میل دور منایا جانے والا پاکستان کی آزادی کا جشن بھرپور جوش و جذ بے کے ساتھ منایا گیا۔
امریکہ کا ڈرون طیاروں کی پروازوں میں اضافے کا فیصلہ
نیویارک (نیٹ نیوز) امریکی دفاعی ادارے پینٹاگون کا کہنا ہے کہ دہشت گردوں کے خلاف جنگ میں کامیابیاں حاصل کرنے والے ڈرون طیاروں کی پروازوں میں اضافے کا فیصلہ کیا گیا ہے۔ امریکی جریدے میں شائع رپورٹ میں پینٹاگون کے حوالے سے کہا گیا ہے کہ پینٹا گون نے ان علاقوں میں جہاں امریکی فوج دہشت گردوں کے خلاف جنگ میں مصروف ہے ڈرون طیاروں کی پروازوں میں اضافے کا فیصلہ کیا ہے اور روزانہ کی بنیادوں پر کی جانے والے 61 پروازوں کو بڑھا کر 90 کردیا جائے گا۔ پینٹا گون حکام کا کہنا ہے کہ 2011 کے بعد ڈرون طیاروں کی پرواز میں یہ پہلا بڑا اضافہ ہے۔ حکام کے مطابق پروازوں میں اضافہ پہلے سے جاری ممالک میں تو ہوگا ہی لیکن ساتھ ہی ڈرون پروازیں اب شام، عراق، شام، جنوبی چین کے سمندر اور شمالی افریقا میں بھی کی جائیں گی، نئے منصوبے کے مطابق امریکی ایئر فورس کو ڈرون حملوں کے دوران آرمی، اسپیشل آپریشنز کمانڈ اور حکومتی کنٹریکٹر کی حمایت بھی حاصل ہوگی رپورٹ کے مطابق امریکی صدر براک اوباما کے دور حکومت میں ڈرون طیاروں کی پروازوں میں اضافہ ہوا جس میں بڑی تعداد میں بے گناہ لوگ بھی مارے گئے ہیں اسی لیے ان پر سخت تنقید بھی کی گئی ہے جب ڈرون حملوں میں اب تک 3 ہزار افراد ہلاک ہوچکے ہیں۔
سابق امریکی صدر، جمی کارٹر کینسر کے عارضے میں مبتلا
واشنگٹن(خبریں ویب ڈیسک)سابق امریکی صدر جمی کارٹر کو معدے کی کینسر کا مرض لاحق ہوگیا ۔ مسٹر کارٹر 90 برس کے ہیں۔ سابق امریکی صدر نے تفصیل نہیں بتائی آیا انھیں کس قسم کا سرطان ہے۔ انھوں نے بس اتنا کہا کہ یہ ان کے جسم کے دیگر اعضا میں ہے۔بیان میں کہا گیا کہ جب مزید حقائق سامنے آئیں گے تو ایک مکمل عام بیان دیا جائے گا3اگست کو مسٹر کارٹر کی سرجری ہوئی تھی، جس میں ان کے معدے کا ایک چھوٹا حصہ نکال دیا گیا تھا۔
پاکستانی اور امریکی مفادات پر حملہ کا خطرہ
نیویارک (خصوصی رپورٹ) لشکرجھنگوی کے چیف آپریشنل کمانڈر مطیع الرحمن المعروف عبدالصمد سیال کو ڈھونڈ نکالنے کی کوششیں زور پکڑ گئی ہیں۔ اس کی تلاس ان انٹیلی جنس رپورٹ کے بعد بڑھی ہے کہ وہ ملک اسحق کے قتل کا بدلہ لینے کےلئے پاکستانی اور امریکی مفادات پر حملہ کر سکتا ہے۔ مطیع الرحمن کو امریکی اسٹیٹ ڈیپارٹمنٹ نے خصوصی نامزد عالمی دہشت گردوں کی فہرست میں شامل کر رکھا ہے۔دسمبر 2010ءکے بعد جب سے ملک اسحق تو مارا گیا ہے لیکن مطیع الرحمن کامیابی سے ایجنسیوں کو دھوکہ دینے میں کامیاب رہا ہے ۔اقوام متحدہ کی سیکورٹی کونسل بھی مطیع الرحمن کو اگست2011ءمیں مطلوب شخص قرار دے چکی ہے کیونکہ وہ مبینہ طور پر برطانیہ سے امریکہ جانے والے 10طیاروں کو فضا میں مارگرانے کے ناکام منصوبے میں شامل تھا۔ شمالی وزیرستان میں فوجی آپریشن کے بعد مطیع الرحمن تحریک طالبان پاکستان کو مضبوط کر رہا تھا۔ ریاض بسرا، امجدفاروقی، عثمان سیف اللہ کرد، غلام رسول شاہ اور ملک اسحق کے بعد اب وہی لشکر جھنگوی کا واحد زندہ رکن ہے جو ابھی تک گرفتار نہیں ہے۔ کالعدم لشکرجھنگوی جو ریاض بسرا، ملک اسحق اور غلام رسول شاہ نے بنائی تھی اس کا سالار اعلیٰ اکرم لاہوری پہلے ہی جیل میں ہے۔ اس پر38قتل کا الزام ہے۔ وہ 2002ءسے گرفتار ہے۔ اپریل2003ءمیں اسے انسداد دہشت گردی کی کراچی کی عدالت نے سزائے موت دی تھی لیکن وہ گزشتہ 12سال سے نامعلوم وجوہ کی بنا پر وہ اب تک تختہ دار کے پھندے کو دھوکہ دیتا آیا ہے۔ مطیع الرحمن نہ صرف پنجاب بلکہ سندھ پولیس کو بھی مطلوب ہے۔اسے تلاش کرنے والے اسے انتہائی خطرناک بتاتے ہیں کیونکہ وہ القاعدہ کے دماغ اور عضلات کے مابین ایک تعلق تصور کیا جاتا ہے۔ اس کے علاوہ وہ پاکستان جنگجوﺅں کے ایک گروپ سے بھی وابستہ ہے۔ وہ الیاس کشمیر ی کے گروپ میں شامل ہونے والے سینکڑوں پاکستانیوں کو تربیت بھی دیتا رہا۔ اس کا آخری نشان کامران ہوٹل میرانشاہ بازار شمالی وزیرستان میں ملتا ہے جہاں وہ اپنی بیوی گلشن اور نوزائیدہ بچی کے ساتھ رہتا تھا لیکن 2011ءمیں ایک ڈرون حملے کے بعد وہ یہ جگہ چھوڑ گیا تھا۔ بعد کی انٹیلی جنس رپورٹوں سے پتہ چلتا ہے کہ وہ لاہور چلا گیا تھا جہاں وہ رائیونڈ کے سالانہ تبلیغی اجتماع میں شامل ہوا تاکہ وہاں سے جہادی کیڈرز کے ساتھ رابطے کرکے مستقبل کا لائحہ عمل طے کر سکے۔ بعد میں یہ بھی پتہ چلا کہ وہ ملا فضل اللہ کی ٹی ٹی پی میں شامل ہو گیا ہے۔ مئی 2015ءمیں ٹی ٹی پی کے ترجمان محمد خراسانی نے کہا تھا کہ تین گروپ جن میں قاری احسان کا گروپ، اشفاق عرف شامل کا گروپ اور قاری مطیع الرحمن کا گروپ شامل ہیں وہ ٹی ٹی پی میں ضم ہوگئے ہیں۔ یہ تینوں گروپ اگرچہ باقاعدہ طور پر ٹی ٹی پی کا حصہ نہیں تھے لیکن انہوں نے ٹی ٹی پی کا ساتھ دیالیکن آئندہ سے یہ تینوں گروہ اب ٹی ٹی پی کے پلیٹ فارم سے جہاد کے ایجنڈے کو آگے بڑھاتے رہیں گے۔
اوباما 54 برس کے ہوگئے‘ سالگرہ سائنسدانوں اور تاجروں کےساتھ منائی
واشنگٹن (آئی اےن پی) امریکی صدر باراک اوباما 54برس کے ہوگئے۔ انہوں نے اپنی سالگرہ مستقبل کے سائنسدانوں، موجدوں اور تاجروں کے ساتھ وائٹ ہاو¿س میں منائی۔ غےرملکی مےڈےا کے مطابق صدر اوباما پہلے وائٹ ہاو¿س ڈیمو ڈے کے میزبان تھے۔ انہوں نے پریس کانفرنس سے پہلے نئی ایجادات کو دیکھا اور موجدوں سے ان کے بارے میں سوالات بھی کئے اور پریس کانفرنس سے خطاب کرتے ہوئے انہوں نے اس موقع کو اپنی سالگرہ کا تحفہ قرار دیا۔ صدر اوباما نے کہا امریکی لوگ مستقبل پر نظر رکھتے ہیں اور نئی ایجادات میں سب سے آگے ہوتے ہیں۔ انہوں نے کہا کہ نوجوان سائنسدان اور موجد ایڈیسن، جابز اور گیٹس کے وارث ہیں، وہ اکیسویں صدی کی معیشت کے ستون ہیں۔
وائٹ ہاو¿س میں ڈاکٹر آصف رحمان کی صدر اوبامہ کے ساتھ یادگار تصویر
نیویارک (خصوصی رپورٹ) وائٹ ہاؤس کی جانب سے گذشتہ ہفتے مسلم امریکن کمیونٹی کے ان تمام اہم قائدین کو ان کی صدر براک اوبامہ کے ساتھ خصوصی تصویر بھجوائی گئی جو کہ وائٹ ہاؤس میں صدر اوبامہ کی جانب سے 22جون کو دئیے گئے افطار ڈنر کے موقع پر بنائی گئیں ۔ وائٹ ہاؤس کی جانب سے صدر براک اوبامہ کے ساتھ پاکستانی امریکن ڈاکٹر ز کی نمائندہ تنظیم ایسوسی ایشن آف پاکستانی فزیشنز آف نارتھ امریکہ (اپنا) کے سابق صدر ڈاکٹر آصف رحمان کو بھی صدر اوبامہ کے دستخط کے ساتھ ان کی تصویر خصوصی طور پر بھجوائی گئی ۔ واضح رہے کہ وائٹ ہاؤس میں اس سال صدر اوبامہ کی جانب سے دئیے گئے افطار ڈنر میں ڈاکٹر آصف رحمان نے خصوصی طور پر شرکت کی تھی ۔ اس موقع پر ان کی ڈنر میں شریک اہم ارکان کانگریس مین سمیت دیگر شخصیات سے بھی ملاقات ہوئی جبکہ ڈاکٹر آصف رحمان نے صدر براک اوبامہ کے ساتھ گروپ فوٹو کے موقع پر افطار ڈنر کے اہتمام اور عزت افزائی پر ان کا شکرئیہ ادا کیا۔ انہوں نے کہا کہ وائٹ ہاؤس کے افطار ڈنر میں شرکت ایک اعزاز ہے ۔ ہم صدر اوبامہ کے مشکور ہیں کہ جنہوں نے اس سلسلے میں خصوصی انتظام کیا۔
پاکستان میں سیاسی استحکام ہے‘ معیشت ترقی کررہی ہے: امریکی جریدہ
اسلام آباد(خصوصی رپورٹ)پاکستان میں سیاسی استحکام ہے ، معیشت ترقی کر رہی ہے،پاکستان اپنی سکیورٹی کی بہتر حرکیات اور سیاسی استحکام کے ساتھ کایا پلٹنے کی عالمی مثال بننے کی صلاحیت رکھتا ہے۔ یہ بات امریکی بزنس میگزین فاربس نے پاکستان:آئندہ کولمبیا کامیاب داستان؟ کے عنوان سے اپنے ایک مضمون میں تحریر کی۔ ڈینیل روندے کے مضمون میں کہا گیا ہے کہ وزیراعظم نواز شریف باصلاحیت کابینہ کے ساتھ حکومت چلا رہے ہیں اور امن و سلامتی کے قیام کیلئے فوج کے ساتھ باہم مل کر کام کر رہے ہیں۔انہوں نے پاکستان کا موازانہ 1990کی دہائی کے آخر کے کولمبیا کے ساتھ کیا جبکہ آج کے کولمبیا کا امریکاکے ساتھ آزاد تجارت معاہدہ ہے، 3.5فیصد سالانہ کی مستحکم شرح نمو کے علاوہ سلامتی کی صورتحال نمایاں طور پر بہتر ہوئی ہے۔ انہوں نے تحریر کیا کہ اسی طرح آج پاکستان کے بارے میں مغربی شہ سرخیاں سکیورٹی کے محاذ پر پیش رفت، زیادہ سیاسی استحکام اور اقتصادی محاذ پر پیش قدمی کو اجاگر کرتی ہیں۔ ڈینیل روندے نے کہا کہ امریکی پالیسی ساز اور کاروباری رہنماوں کو سکیورٹی کے عدسہ سے آگے پاکستان پر نظر ڈالنے کی ضرورت ہے۔ انہوں نے کہا کہ پاکستان کے ساتھ امریکی تعلقات صحیح طور پر استوار ہونے سے تجارت اور سرمایہ کاری، تعلیم اور وسیع تر اقتصادی ترقی کے بارے میں گہرا سوچ بچار اور عمل درکار ہو گا، طالبان کیخلاف کارروائی کے بارے میں انہوں نے کہا کہ پاکستان کی بہتر سکیورٹی حرکیات پہلی قابل ذکر تبدیلی ہے۔ انہوں نے پشاور میں سکول کے بچوں پر دہشتگردوں کے وحشیانہ حملے کا ذکر کیا جس کا فوج نے دہشتگردوں کے خلاف فضائی حملوں اور پشاور کے نواح میں خیبر، قبائلی علاقہ جات اور شمالی وزیرستان میں گراونڈ آپریشن کے ذریعے بھرپور جواب دیا۔ سیاسی استحکام کے بارے میں انہوں نے تحریر کیا کہ وزیراعظم نواز شریف نے اقتدار سنبھالنے کے بعد جمہوریت کیلئے عزم کا کافی زیادہ مظاہرہ کیا۔ انہوں نے کہا کہ گزشتہ سال وزیراعظم نواز شریف نے عام انتخابات 2013کے نتائج کے تنازع کے حوالے سے قومی اسمبلی کے سامنے سرگرم اپوزیشن کی جانب سے طویل دھرنے کے مقابلے میں ضبط و تحمل کا مظاہرہ کیا۔ جارحانہ اپروچ اختیار کرنے کی بجائے وزیراعظم نواز شریف نے دانشمندانہ طور پر نتائج کی تصدیق کے لئے معاملہ ایک آزاد (جوڈیشل) کمیشن کو بھجوا دیا جس نے حال ہی میں ان کی جماعت کے حق میں فیصلہ دیا۔ انہوں نے کہا کہ مظاہرین کے خلاف طاقت استعمال نہ کرنے کا فیصلہ پاکستان میں جمہوریت کے مزید استحکام کی راہ ہموار کرے گا۔
پاکستانی نوجوان کا کمال ....امریکہ میں تہلکہ....آن لائن ماہانہ 2کروڑ آمدن
واشنگٹن(اے این این) 15سالہ پاکستانی نوجوان کی ذہانت کے امریکی بھی معترف ہوگئے ، آن لائن گیم کے ذریعے ماہانہ 2کروڑ روپے کمانا شروع کردیئے ،گزشتہ ہفتے ڈوٹا 2گیم کے مقابلے میں حسن کی ٹیم نے 60کروڑ روپے کا مقابلہ جیت لیا۔ایک امریکی جریدے بلوم برگ نے اپنی رپورٹ میں کہاہے کہ 15سالہ پاکستانی بچے نے امریکہ میں گیمنگ کے ذریعے ایک ماہ میں 2کروڑ روپے کمانا کرای سپورٹس کے ذریعے امیر بننے کاخواب حقیقت میں تبدیل کردیا۔رپورٹ میں کہاگیاہے کہ پیشہ وارانہ گیمرحسن اپنی خداداد صلاحیتوں کے ذریعے بطور آن لائن گیمر مزید دولت کماسکتاہے ۔گزشتہ ہفتے ہی حسن کی ٹیم نے جس کا نام شیطانی ذہانت (ایول جینسیسز)رکھا گیاہے ،نے60کروڑ روپے کا مقابلہ جیت لیا۔حسن اور اس کا خاندان گزشتہ سال 2014ءکے موسم بہار میں ہی کراچی کے ایک بڑے گھر سے امریکہ منتقل ہوا ہے ۔امریکہ میں منتقل ہونے کے بعد انہیں مشکلات حالات کا مقابلہ بھی کرنا پڑا لیکن اب ذہین حسن کی بدولت ان کی مالی مشکلات ختم ہوگئی ہیں۔
دورہ کینیا صدر اوباما نے رقص کرکے سب کو حیران کردیا
نیروبی( آن لائن ) امریکی صدربارک اوباما نے دورہ کینیا کے دوران صدارتی عشائیے میں رقص کر کے سب کو حیران کر دیا۔امریکی صدر بارک اوباما کےاعزاز میں کینیا کے صدر Uhuru Kenyatta, نے عشائیہ دیا جس میں اعلیٰ حکومتی عہدیداروں سمیت پاپ اسٹار گروپ Sauti Sol کو بھی مدعو کیا گیا۔عشائیے کے دوران سوتی سول گروپ نے گانا گایا تو امریکا اورکینیا کے صدور سمیت کئی افراد خود کو روک نہ پائے اورمدھر گانے پر رقص کرنے لگے۔ یہ مناظر کیمرے کی آنکھ نے محفوظ کر لئے۔امریکی صدرنے دورے کے دوران اپنے رشتے داروں سے بھی ملاقات کی ہے۔ یہ کسی بھی امریکی صدر کا کینیا کا پہلا دورہ ہے۔
12345678910...
آج کے کالم